سابق کرکٹر گیری کرسٹن سری لنکن کرکٹ کے ہیڈ کوچ مقرر

سری لنکن کرکٹ بورڈ نے جنوبی افریقہ کے سابق کرکٹر گیری کرسٹن کو قومی ٹیم کا ہیڈ کوچ مقرر کر دیا ہے۔

اعلامیے کے مطابق، گیری کرسٹن 15 اپریل سے سری لنکن کرکٹ ٹیم کے ہیڈ کوچ کے طور پر ذمہ داریاں سنبھالیں گے، اور ان کے ساتھ 2 سالہ معاہدہ 14 اپریل 2028ء تک کے لیے کیا گیا ہے۔گیری کرسٹن اس سے قبل ٹی 20 ورلڈ کپ 2026ء میں نمیبیا کے کنسلٹنٹ کے طور پر کام کر چکے ہیں، جبکہ 2024ء میں انہوں نے پاکستان کی وائٹ بال ٹیم کے ہیڈ کوچ کے فرائض بھی انجام دیے تھے۔