اینڈریو فروجیا نے 55 میٹر لمبی چاکلیٹ ٹرین بنا کر عالمی ریکارڈ قائم کر دیا

مالٹا کے معروف چاکلیٹیئر اینڈریو فروجیا نے طلبا کے ساتھ مل کر 55.27 میٹر لمبی چاکلیٹ ٹرین تیار کی، جسے دنیا کا سب سے بڑا چاکلیٹ مجسمہ قرار دیا گیا۔ اس منصوبے میں مالٹا کے انسٹیٹیوٹ آف ٹورازم سٹڈیز کے طلبا نے بھی حصہ لیا۔ چاکلیٹ سے تیار اس ٹرین میں ایک پرانا بھاپ سے چلنے والا انجن اور 22 بوگیاں شامل ہیں، جن میں ہر بوگی کا وزن تقریباً 160 کلوگرام تھا۔
ٹرین کو اٹلی کے شہر میلان میں ونٹر اولمپک گیمز سے قبل پیش کیا گیا۔ اینڈریو فروجیا اور ان کی ٹیم نے کئی ماہ کی محنت کے بعد تقریباً 5 ہزار چاکلیٹ کے ٹکڑوں سے یہ عظیم الشان مجسمہ مکمل کیا۔ فروجیا کے مطابق منصوبے میں ہر بوگی کے لیے تقریباً 180 پہیے استعمال ہوئے اور انہوں نے اس ریکارڈ کے ذریعے اپنے ادارے، ملک اور خاندان کے لیے یادگار قائم کی۔