42 دانتوں والا ملائشین شہری

ملائیشیا کے ایک شہری نے 42 دانت ہونے کے باعث سب سے زیادہ دانت رکھنے کا گینیز ورلڈ ریکارڈ اپنے نام کر لیا ہے۔

33 سالہ پرتاب مونیندے نے گینیز ورلڈ ریکارڈز کو بتایا کہ چند سال قبل انہیں احساس ہوا کہ ان کے دانت عام افراد سے زیادہ ہیں۔ ان کے مطابق 2021 میں انہوں نے پہلی بار محسوس کیا کہ اضافی دانت نکل رہے ہیں، اور جب گنتی کی گئی تو اس وقت ان کے 38 دانت موجود تھے۔

بعد ازاں ڈینٹل ایکس رے کے ذریعے معلوم ہوا کہ مزید چار دانت نکلنے والے ہیں۔ 2023 کے آغاز میں یہ تعداد بڑھ کر 42 ہو گئی اور خوش قسمتی سے دانت نکلنے کے دوران انہیں کسی قسم کی پیچیدگی کا سامنا نہیں کرنا پڑا۔

پرتاب مونیندے کا کہنا ہے کہ اضافی دانت ہونے کے باوجود انہیں روزمرہ زندگی میں کوئی مشکل پیش نہیں آتی اور زیادہ تر لوگوں کو اس وقت تک اس بات کا علم نہیں ہوتا جب تک وہ خود اس کا ذکر نہ کریں