کراچی: سونا اور چاندی کی قیمتوں میں اضافہ، سونے کی فی تولہ قیمت 5 لاکھ 39 ہزار روپے کے قریب

کراچی میں سونے اور چاندی کی قیمتوں میں نمایاں اضافہ دیکھنے میں آیا ہے۔ مارکیٹ ذرائع کے مطابق فی تولہ سونے کی قیمت 6,100 روپے اضافے کے بعد 5 لاکھ 39 ہزار 862 روپے ہو گئی۔

اسی طرح 10 گرام سونے کی قیمت میں 5,230 روپے کا اضافہ ریکارڈ کیا گیا اور یہ 4 لاکھ 62 ہزار 844 روپے تک پہنچ گئی۔ عالمی منڈی میں بھی سونے کی قیمت میں اضافہ دیکھا گیا، جہاں فی اونس سونا 61 ڈالر بڑھ کر 5,171 ڈالر ہو گیا۔چاندی کی قیمتوں میں بھی اضافہ دیکھنے میں آیا ہے اور فی تولہ چاندی 17 روپے کے اضافے کے بعد 8,931 روپے ہو گئی۔ماہرین کے مطابق عالمی مارکیٹ میں سونے اور چاندی کی قیمتوں میں اتار چڑھاؤ اور عالمی اقتصادی حالات مقامی قیمتوں پر اثر انداز ہو رہے ہیں