ایران اسرائیل جنگ کے کشیدہ ماحول میں نارتھ کوریا کے لیڈر کم جونگ اُن کی میمز وائرل

ایران اور اسرائیل کے درمیان بڑھتی کشیدگی نے عالمی سیاست میں ہلچل مچادی ہے، لیکن سوشل میڈیا صارفین نے اس صورتحال کو طنز و مزاح کے رنگ میں پیش کرتے ہوئے شمالی کوریا کے سپریم لیڈر کم جونگ اُن کو بھی بحث میں شامل کر دیا ہے۔

مختلف پلیٹ فارمز پر وائرل میمز میں کم جونگ اُن کو ایک ’فومو‘ یعنی موقع گنوانے کے خوف میں مبتلا مبصر کے طور پر دکھایا جا رہا ہے، گویا وہ عالمی منظرنامے سے باہر رہنے پر پریشان ہیں۔ بعض میمز میں انہیں دوربین سے دیکھتے ہوئے یا اسکرین پر نظریں جمائے پیش کیا گیا، جس کے ساتھ کیپشن درج ہے: ’’بیٹا، کیا تم صورتحال کی نگرانی کر رہے ہو؟‘‘

سوشل میڈیا پر یہ تخلیقی اور طنزیہ لہر عالمی سیاسی بحران کو آن لائن دنیا میں مزاحیہ انداز میں پیش کرنے کا عکاس ہے۔