پاکستان اسٹاک مارکیٹ میں شدید مندی، 100 انڈیکس 3714 پوائنٹس کی کمی پر بند

کراچی: پاکستان اسٹاک ایکسچینج (PSX) میں آج کاروبار کا اختتام شدید مندی پر ہوا، جہاں سرمایہ کاروں کے اعتماد میں کمی کے باعث مارکیٹ بری طرح کریش کر گئی۔ ٹریڈنگ کے دوران 100 انڈیکس میں 3 ہزار 714 پوائنٹس کی بڑی کمی ریکارڈ کی گئی، جس کے نتیجے میں مارکیٹ ایک ہی دن میں 1 لاکھ 61 ہزار، 60 ہزار، 59 ہزار اور 58 ہزار کی چار اہم نفسیاتی سطحوں سے نیچے گر گئی۔ مارکیٹ 1 لاکھ 57 ہزار 496 پوائنٹس کی سطح پر بند ہوئی، جبکہ دن بھر کے دوران انڈیکس کی بلند ترین سطح 161,435 اور کم ترین سطح 157,072 پوائنٹس رہی۔ مالیاتی ماہرین کے مطابق فروخت کے دباؤ کی وجہ سے 567 کمپنیوں میں سے 311 کے حصص کی قیمتوں میں کمی دیکھی گئی، جبکہ صرف 105 کمپنیوں کے شیئرز میں تیزی رہی۔