سرحد پر کشیدگی میں شدت، پاکستان کا آپریشن ، افغان طالبان کے جوابی کارروائی کے دعوے
Web Desk
26 February 2026
پاکستان نے کہا ہے کہ افغانستان کی جانب سے سرحدی علاقوں میں کی گئی بلااشتعال فائرنگ کا فوری اور مؤثر جواب دیا گیا ہے، جس کے نتیجے میں بھاری جانی نقصان ہوا ہے۔ وزارتِ اطلاعات کے مطابق ابتدائی اطلاعات میں دعویٰ کیا گیا ہے کہ کارروائی کے دوران افغان طالبان کے تقریباً 44 طالبان اہلکار ہلاک جبکہ متعدد زخمی ہوئے۔
سرکاری بیان کے مطابق چترال، خیبر، مہمند، کرم اور باجوڑ سیکٹرز میں جوابی کارروائی کی گئی اور متعدد چوکیاں اور سازوسامان تباہ کیے گئے۔ وفاقی وزیر اطلاعات عطا اللہ تارڑ نے تصدیق کی کہ جھڑپوں میں پاکستان فوج کے دو اہلکار جان سے گئے جبکہ تین زخمی ہوئے ہیں۔
دوسری جانب افغانستان میں طالبان حکومت کے ترجمان ذبیح اللہ مجاہد نے دعویٰ کیا کہ افغان فورسز نے پاکستان کی متعدد چوکیوں کو نشانہ بنایا اور بعض پر قبضہ بھی کیا۔ تاہم پاکستانی حکام نے ان دعوؤں کی تردید کی ہے۔
وزیر اعظم پاکستان کے ترجمان برائے غیرملکی میڈیا مشرف زیدی نے کہا کہ کسی بھی پاکستانی چوکی پر قبضہ نہیں ہوا اور نہ ہی کوئی فوجی گرفتار یا شہید ہوا ہے۔ ان کے مطابق پاکستان نے سرحد پار کارروائی میں مخالف فریق کو بھاری نقصان پہنچایا ہے۔
ادھر باجوڑ میں مقامی پولیس اہلکار کے مطابق سرحدی کشیدگی کے دوران ایک خاتون جاں بحق جبکہ چار افراد زخمی ہوئے جنہیں خار اسپتال منتقل کیا گیا۔
سیکیورٹی خدشات کے پیش نظر طورخم بارڈر پر افغانستان واپس جانے والے افغان خاندانوں کی تمام گاڑیاں زیرو پوائنٹ سے واپس کر دی گئیں۔ مقامی ذرائع کے مطابق اپر کرم کے گوی، بوڑکی اور حرلاچی بارڈر جبکہ لوئر کرم کے شورکی اور شہدانوں بارڈر پر بھی کراس فائرنگ کی اطلاعات ہیں۔
دونوں جانب سے بھاری نقصانات کے دعوے کیے جا رہے ہیں تاہم ان کی آزادانہ تصدیق ممکن نہیں ہو سکی۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026