پمز سانحے کے بعد وفاقی سرکاری ہسپتالوں میں فوری فائر سیفٹی آڈٹ کا حکم

وفاقی وزیرِ صحت مصطفیٰ کمال کی ہدایت پر وفاق کے زیرِ انتظام تمام سرکاری ہسپتالوں میں فوری طور پر جامع فائر سیفٹی آڈٹ کا آغاز کرنے کا حکم دے دیا گیا ہے۔ ترجمان وزارتِ صحت کے مطابق مجاز اور ماہر کمپنیوں کے ذریعے کیے جانے والے اس آڈٹ میں فائر الارم، فائر فائٹنگ آلات، ایمرجنسی ایگزٹ، بجلی کے نظام اور ممکنہ فائر ہیزرڈز کا تفصیلی جائزہ لیا جائے گا۔ مزید برآں، اسلام آباد ہیلتھ کیئر ریگولیٹری اتھارٹی کو سرکاری و نجی صحت اداروں میں آڈٹ کی تصدیق اور تعمیل سے متعلق رپورٹ پیش کرنے کی ہدایت کی گئی ہے، تاکہ ہنگامی صورتحال سے نمٹنے کے لیے عملے کی تیاری کو یقینی بنایا جا سکے اور کسی بھی فوری خطرے کا باعث بننے والی خامیوں کو ترجیحی بنیادوں پر دور کیا جا سکے۔