یوکرینی صدر زیلنسکی کا فوج کو روس پر روزانہ ایک ہزار ڈرون حملے کرنے کا حکم

یوکرین کے صدر ولودیمیر زیلنسکی نے اپنی فوج کو روس کے خلاف طویل فاصلے تک مار کرنے والے ڈرون حملوں میں نمایاں اضافے کی ہدایت کرتے ہوئے روزانہ کم از کم 1 ہزار ڈرون حملے کرنے کا ہدف دے دیا ہے۔ اپنے خطاب میں انہوں نے کہا کہ یوکرین فی الوقت روزانہ تقریباً 300 ڈرون حملے کر رہا ہے، تاہم نیا ہدف موجودہ تعداد سے تین گنا سے بھی زیادہ ہے جسے ہر صورت حاصل کیا جائے گا۔ دوسری جانب صدر زیلنسکی نے امریکی انٹیلی جنس سربراہ کے حال ہی میں دورۂ ماسکو کے دوران روسی حکام سے ہونے والی ملاقاتوں کی رپورٹس کی بھی تصدیق کی اور بتایا کہ کیف کو ان ملاقاتوں سے متعلق معلومات موصول ہوئی ہیں۔ کریملن نے بھی امریکی انٹیلی جنس چیف کی روسی حکام سے ملاقات کی تصدیق کی ہے، تاہم واضح کیا کہ ان کی صدر ولادیمیر پیوٹن سے کوئی ملاقات نہیں ہوئی۔