مولانا فضل الرحمان 30 اگست کو اہم دورہ سندھ پر سکھر پہنچیں گے

جمعیت علمائے اسلام (ف) کے سربراہ مولانا فضل الرحمان 30 اگست کو سکھر پہنچ کر اپنے اہم دورۂ سندھ کا آغاز کریں گے، جہاں وہ جے یو آئی سندھ کی جنرل کونسل کے اجلاس سے خصوصی خطاب کریں گے۔ اس دورے کے دوران مرکزی جنرل سیکرٹری مولانا عبدالغفور حیدری اور چاروں صوبوں کے امراء بھی ان کے ہمراہ ہوں گے۔ دورے میں تنظیمی امور، ملکی سیاسی صورتحال اور عالمی امن اجتماع سے متعلق اہم مشاورت کی جائے گی۔ مزید برآں، 31 اگست کو لاڑکانہ میں مجلسِ عاملہ کا اجلاس اور انٹرنیشنل پیس کانفرنس کی تیاریوں کا تفصیلی جائزہ لیا جائے گا۔ جے یو آئی کے صوبائی رہنما علامہ راشد محمود سومرو کے مطابق، مولانا فضل الرحمان کا یہ دورہ پارٹی کی تنظیمی مضبوطی، عوامی رابطوں اور عالمی امن کے پیغام کو مؤثر بنانے کے لیے انتہائی اہم ثابت ہوگا۔