بھارت سے ورلڈ سنوکر چیمپئن شپ کی میزبانی چھن جانے کا خطرہ

انٹرنیشنل بلیئرڈ اینڈ سنوکر فیڈریشن (IBSF) نے بھارت کو دوٹوک پیغام دیا ہے کہ اگر نومبر میں شیڈول ورلڈ سنوکر چیمپئن شپ کے لیے پاکستانی کھلاڑیوں کو ویزے جاری نہ کیے گئے تو میزبانی کسی دوسرے ملک منتقل کر دی جائے گی۔ پاکستان بلیئرڈ اینڈ سنوکر ایسوسی ایشن کے صدر عبدالقادر نے بتایا کہ 2024ء میں بھی بھارت نے ویزے نہیں دیے تھے جس کی وجہ سے پاکستانی کھلاڑی ایونٹ سے محروم رہے، تاہم اس بار آئی بی ایس ایف نے سخت موقف اختیار کیا ہے۔ انہوں نے واضح کیا کہ ویزے ملنے کی صورت میں بھی حتمی فیصلہ حکومتِ پاکستان کی اجازت سے مشروط ہوگا۔