یو اے ای ڈیپازٹس کا رول اوور نہ ہونے پر آئی ایم ایف کی تشویش، اسٹیٹ بینک کی جلد پیشرفت کی یقین دہانی

آئی ایم ایف نےیو اے ای سے دو ارب ڈالر ڈیپازٹ ایک سال کےلیے رول اوورنہ ہونے پرتشویش کا اظہارکردیا،آئی ایم ایف کا جائزہ مشن گزشتہ روز پاکستان پہنچا،ذرائع کےمطابق اسٹیٹ بینک کے اعلیٰ حکام سےبات چیت میں یو اے ای سے ایک سالہ رول اوور حاصل نہ کرنے پر تشویش ظاہر کی گئی،اسٹیٹ بینک حکام کی جانب سے اقتصادی جائزہ کے دوران ہی رول اوور پر اہم پیشرفت کی یقین دہانی کرائی گئی ہے،،وزارت خزانہ کےذرائع کےمطابق اہم پیشرفت کے حوالے سے آئی ایم ایف وفد کی یو اے ای کے سفیرسے ملاقات کا امکان ہے۔وزیرخزانہ محمد اورنگزیب نےقومی اسمبلی کی قائمہ کمیٹی خزانہ کے اجلاس کے بعد صحافیوں کو بتایا کہ رول اوور میں کوئی مسئلہ نہیں ہے،،دوسری جانب نائب وزیراعظم اور وزیر خارجہ اسحاق ڈار نے میڈیا کو بتایا کہ یو اے ای نے اپنے ڈیپازٹس واپس نہیں لیے اور طویل مدت کےلیے رول اوورپربات چیت جاری ہے،مرکزی بینک کےحکام نےبریف کیاکہ آئی ایم ایف کے ساتھ طے شدہ ایکسٹرنل فنانسنگ پلان پر عملدرآمد کیا جارہاہے،عارضی رول اوور ہونے پر حکومت دوبارہ بھی بات چیت کر رہی ہے۔پاکستانی حکام کے آئی ایم ایف کے وفد سے زرمبادلہ ذخائر،مانیٹری پالیسی،ایکسچینج ریٹ،اینٹی ٹیررفنانسنگ پرمذاکرات ہوئے ہیں،وفد سے اینٹی منی لانڈرنگ اقدامات،بینکنگ ریگولیشنز سمیت اہم امور پربھی تکنیکی مذاکرات ہوئے ہیں،آئی ایم ایف وفد آج اور کل دو دنوں تک مزید کراچی میں مرکزی بینک حکام کیساتھ مذاکرات جاری رکھے گا۔