انگلینڈ سے شکست کے بعد کپتان سلمان آغاکی اہلیہ اور بیٹےآن لائن ہراسانی کے شکار

ٹی ٹوئنٹی ورلڈکپ کے سپر 8 مرحلے میں انگلینڈ کے ہاتھوں شکست کے بعد بعض شائقین نے اپنا غصہ کھلاڑیوں کے اہل خانہ پرنکالنا شروع کردیا۔

پاکستانی ٹیم کی شکست کے بعد بعض شائقین نے قومی ٹیم کے کپتان سلمان علی آغا کی اہلیہ  اور بیٹے کو سوشل میڈیا پر ہراساں کرنا شروع کر دیا۔

سلمان آغا کی اہلیہ صبا نے انسٹاگرام پر ایک اسٹوری شیئر کی جس میں انہوں نے کہا کہ ’’مجھے یا میرے معصوم بیٹے کو گالیاں دینے سے آپ ورلڈکپ نہیں جیتیں گے۔‘‘

کرکٹ حلقوں میں بھی اس رویے پر تنقید ہو رہی ہے اور بعض سابق کھلاڑیوں نے کھلاڑیوں کے اہلِ خانہ کو نشانہ بنانے کی مذمت کی ہے۔

جنوبی افریقا کے اسپنر تبریز شمسی نے اپنے سوشل میڈیا اکاؤنٹ پر لکھا کہ اس قسم کا احمقانہ رویہ پریشان کرتا ہے۔ جیتنا اور ہارنا کھیل کا حصہ ہے لیکن کھلاڑیوں کے اہل خانہ کو گالی دینے کی ضرورت نہیں۔