عالمی و مقامی مارکیٹ میں سونا اور چاندی سستے، فی تولہ سونا 3,200 روپے کم

عالمی اور مقامی مارکیٹوں میں سونے اور چاندی کی قیمتوں میں نمایاں کمی ریکارڈ کی گئی ہے، جس کے بعد مقامی صرافہ بازاروں میں بھی نرخ کم ہو گئے۔

بین الاقوامی بلین مارکیٹ میں فی اونس سونے کی قیمت 32 ڈالر کی کمی سے 4,010 ڈالر کی سطح پر آ گئی۔ عالمی سطح پر قیمتوں میں اتار چڑھاؤ کے اثرات فوری طور پر پاکستان کی مقامی مارکیٹوں میں بھی منتقل ہوئے۔صرافہ بازار ذرائع کے مطابق فی تولہ سونے کی قیمت 3,200 روپے کم ہو کر 523,762 روپے ہو گئی، جبکہ دس گرام سونا 2,743 روپے سستا ہو کر 449,041 روپے میں فروخت ہونے لگا۔چاندی کی قیمتوں میں بھی کمی دیکھی گئی۔ فی تولہ چاندی 55 روپے کم ہو کر 8,164 روپے جبکہ دس گرام چاندی 47 روپے سستی ہو کر 6,999 روپے کی سطح پر آ گئی۔ماہرین کا کہنا ہے کہ عالمی مارکیٹ میں غیر یقینی صورتحال، ڈالر کی قدر میں رد و بدل اور سرمایہ کاروں کے رجحانات قیمتوں پر اثر انداز ہوتے ہیں۔ ان کے مطابق قیمتوں میں حالیہ کمی سے خریداروں کی دلچسپی میں اضافہ متوقع ہے، تاہم سرمایہ کار محتاط حکمت عملی اختیار کر رہے ہیں۔