پاکستانی ٹیم فارم میں ہے، محسن نقوی پاک بھارت میچ دیکھنےکولمبو پہنچ گئے

پاکستان کرکٹ بورڈ کے چیرمین محسن نقوی کا کہنا ہے کہ بھارت کے خلاف میچ کیلئے ہماری ٹیم اچھی فارم میں ہے، انشاء اللہ اچھا ہوگا۔پی سی بی کے چیئرمین محسن نقوی کولمبو پہنچ گئے جہاں وہ ٹی ٹوئنٹی ورلڈ کپ میں پاکستان اور بھارت کا میچ دیکھیں گے۔

چیئر مین پی سی بی میچ سے قبل کھلاڑیوں کا حوصلہ بڑھانے کیلئے ٹیم سے ملاقات بھی کریں گے۔محسن نقوی کا ہوٹل پہنچنے پر سری لنکن وزیر کھیل نے  روایتی ڈھول اور رقص سے استقبال کیا۔ان کاکہناتھاکہ محسن نقوی کی آمدہمارے لیے باعث مسرت ہے۔ اس موقع پر چیئرمین پی سی بی نے کہاکہ پاکستان سری لنکا کے ساتھ بہترین تعلقات کو اہمیت دیتا ہے۔