سونے کی قیمت میں تیزی، چاندی سستی ہو گئی

مقامی صرافہ مارکیٹ میں سونے کی قیمت میں نمایاں اضافہ ریکارڈ کیا گیا ہے، جس کے بعد خریداروں میں تشویش کی لہر دوڑ گئی۔

رپورٹ کے مطابق فی تولہ سونا 7 ہزار روپے مہنگا ہو کر 5 لاکھ 26 ہزار 962 روپے تک پہنچ گیا ہے۔ اسی طرح 10 گرام سونے کی قیمت میں 6 ہزار 1 روپے کا اضافہ ہوا ہے، جس کے بعد نئی قیمت 4 لاکھ 51 ہزار 785 روپے ہو گئی ہے۔عالمی مارکیٹ میں بھی سونے کی قیمت میں تیزی دیکھی گئی، جہاں فی اونس سونا 70 ڈالر اضافے کے بعد 5 ہزار 42 ڈالرز پر پہنچ گیا۔دوسری جانب چاندی کی قیمت میں کمی ریکارڈ کی گئی ہے۔ مقامی مارکیٹ میں فی تولہ چاندی 105 روپے سستی ہو کر 8 ہزار 219 روپے کی سطح پر آ گئی ہے، جبکہ 10 گرام چاندی کی قیمت 90 روپے کمی کے بعد 7 ہزار 46 روپے ہو گئی ہے۔عالمی مارکیٹ میں فی اونس چاندی کی قیمت کم ہو کر 77.35 ڈالرز پر آ گئی ہے۔ماہرین کے مطابق عالمی مارکیٹ میں اتار چڑھاؤ کے باعث مقامی قیمتوں میں بھی رد و بدل دیکھا جا رہا ہے۔