پی ایس ایل ، ملتان کی ٹیم کو ولی ٹیک نے 2ارب45کروڑ میں خریدلیا، نیانام راولپنڈی رکھ دیاگیا

پی ایس ایل کی ٹیم ملتان کو ولی ٹیک  نے  2  ارب  45 کروڑ  روپے میں 10 سال کے لیے خریدلیا۔ٹیم کا نیانام راولپنڈی رکھاگیاہے۔ملتان کی ٹیم کی نیلامی کی تقریب لاہور میں ہوئی جس میں چیئرمین پی سی بی محسن نقوی بھی شریک  ہوئے۔ سابق چیئرمین پی سی بی نجم سیٹھی اورماضی کے لیجنڈ بیٹر ظہیر عباس بھی موجود تھے۔

پی ایس ایل کی ٹیم ملتان کی نیلامی میں پانچ بڈرز شریک  تھے۔ ملتان کی ٹیم کی نیلامی کے لیے بیس پرائس 182 کروڑ  روپے مقرر کی گئی تھی۔  ملتان کی ٹیم کو  ولی ٹیک نے 2 ارب 45 کروڑ روپے میں 10 سال کے لیے خریدلیا۔اس طرح ملتان پی ایس ایل کی سب سے مہنگی فرنچائز  بن گئی ہے۔

پی سی بی کے مطابق کُل 6 پروپوزلز موصول ہوئے تھے جن کی تفصیلی اور شفاف جانچ کے بعد 5 بڈرز کو تکنیکی طور پر اہل قرار دیا گیا جنہوں نے نیلامی میں حصہ لیا۔ملتان سلطانز کے سابق مالک علی ترین نے 10 سالہ ملکیت کے معاہدے کی تجدید سے انکار کیا تھا جس کے بعد پی سی بی نے ملتان کی ٹیم کی نیلامی کا فیصلہ کیاتھا۔