سونے کی قیمت میں پہلی بار 21 ہزار 100 روپے کا اضافہ

ملکی تاریخ میں پہلی بار فی تولہ سونے کی قیمت میں 21 ہزار 100 روپے کا غیر معمولی اضافہ ریکارڈ کیا گیا ہے۔

24 قیراط فی تولہ سونا بڑھ کر پہلی بار 5 لاکھ 51 ہزار 662 روپے کی بلند ترین سطح پر پہنچ گیا، اسی طرح 10 گرام سونے کی قیمت 18 ہزار 90 روپے اضافے کے بعد پہلی بار 4 لاکھ 72 ہزار 961 روپے کی ریکارڈ سطح تک جا پہنچی۔

دوسری جانب چاندی کی قیمتوں میں بھی نمایاں اضافہ دیکھنے میں آیا ہے، ملک بھر میں 24 قیراط فی تولہ چاندی 271 روپے بڑھ کر پہلی بار 11 ہزار 911 روپے کی بلند ترین سطح پر فروخت ہونے لگی۔

عالمی مارکیٹ میں بھی قیمتی دھاتوں کی قیمتوں نے نئی تاریخ رقم کی، انٹرنیشنل مارکیٹ میں فی اونس سونا 211 ڈالر کے بڑے اضافے کے بعد پہلی بار 5 ہزار 293 ڈالر کی ریکارڈ سطح پر پہنچ گیا جبکہ فی اونس چاندی کی قیمت 2 ڈالر 71 سینٹس اضافے سے بڑھ کر پہلی بار 114 ڈالر 36 سینٹس تک جا پہنچی۔