معذوری کا بہانہ کر کے قید سے بچنے والا مجرم باکسنگ لڑتے پکڑا گیا

برطانیہ کے کارڈف سے تعلق رکھنے والا 31 سالہ اینٹن بوسٹن، جو غیر قانونی طور پر کتوں کی بریڈنگ کروا رہا تھا، بیماری کا بہانہ بنا کر جیل جانے سے بچا ہوا تھا، باکسنگ مقابلے میں لڑتے ہوئے دوبارہ پکڑا گیا۔

ملزم نے 2020ء میں چھ کتوں کے کان کاٹنے کے جرم کا اعتراف کیا تھا۔ حال ہی میں ایک جج نے رحم کرتے ہوئے اسے جیل سے رہا کیا تھا، لیکن اس نے غیر قانونی سرگرمی جاری رکھی۔

پراسیکیوٹر لی رینلڈز نے عدالت کو بتایا کہ اینٹن بوسٹن نے خود کو معذور دکھایا، لیکن باکسنگ میں اس کی کارکردگی اس کے دعوے کی تردید کرتی ہے۔ پڑوسیوں کی شکایت پر پولیس نے بوسٹن کے گھر سے بدبو آنے کے بعد جانوروں کو خراب حالت میں رکھنے کے الزام میں کارروائی کی۔

عدالت نے اینٹن بوسٹن کو 3 سال قید اور 15 سال تک کتے پالنے پر پابندی کی سزا سنائی۔