بورڈ آف پیس کو اقوام متحدہ کا متبادل بنانے کا ارادہ نہیں: امریکی صدر

امریکی صدر ڈونلڈ ٹرمپ نے ایک بار پھر پاک بھارت کشیدگی اور ممکنہ جنگ رکوانے کا دعویٰ کرتے ہوئے کہا ہے کہ اگر دونوں ممالک کے درمیان جنگ نہ روکی جاتی تو لاکھوں جانیں ضائع ہو سکتی تھیں۔ میڈیا سے گفتگو کرتے ہوئے صدر ٹرمپ نے کہا کہ پاک بھارت جنگ میں 8 طیارے مار گرائے گئے تھے اور صورتحال انتہائی خطرناک ہو چکی تھی۔

ڈونلڈ ٹرمپ کا کہنا تھا کہ اگر جنگ جاری رہتی تو 10 سے 20 ملین افراد مارے جا سکتے تھے، تاہم ان کی کوششوں سے یہ جنگ رک گئی۔ انہوں نے کہا کہ وزیراعظم پاکستان شہباز شریف نے بھی ان سے کہا کہ آپ نے کروڑوں لوگوں کی جانیں بچائیں۔

صدر ٹرمپ نے اس بات پر زور دیا کہ وہ دنیا میں امن کے خواہاں ہیں اور جہاں بھی ممکن ہو، جنگوں کو روکنے کے لیے کردار ادا کرتے رہیں گے۔