امریکی نیوز اینکر جم ڈونوون نے رنگ برنگے موزوں کا عالمی ریکارڈ قائم کر دیا

فلاڈیلفیا کے معروف ریٹائرڈ نیوز اینکر جم ڈونوون نے رنگ برنگے موزوں کے اپنے شوق کو عالمی ریکارڈ میں تبدیل کر دیا۔ ان کے پاس 1,531 منفرد جوڑیوں پر مشتمل موزوں موجود ہیں، جو گینیز ورلڈ ریکارڈ کی حیثیت سے تسلیم کیے گئے ہیں۔

جم ڈونوون کے مطابق دوران ملازمت ناظرین ان کے موزوں کی خصوصیت پر توجہ دیتے تھے، اور مداحوں نے انہیں مختلف ڈیزائنز کے موزے تحفے میں بھیجے، بعض پر ان کی تصویر بھی بنی ہوئی تھی۔

جم ڈونوون نے کہا کہ یہ ریکارڈ ان کے لیے ذاتی خوشی کے ساتھ ساتھ ان کے طویل صحافتی کیریئر کا یادگار اختتام بھی ہے، اور انہیں بچپن کے عالمی ریکارڈز کی کتاب نے اس خواب کو حقیقت بنانے کی تحریک دی۔