جاپان: خصوصی صلاحیتوں کی مالک مادہ چمپینزی 49 سال کی عمر میں چل بسی

جاپان میں غیر معمولی ذہنی صلاحیتوں کی حامل مادہ چمپینزی ’’اے آئی‘‘ 49 سال کی عمر میں انتقال کر گئی۔ غیر ملکی میڈیا کے مطابق اے آئی کئی دہائیوں سے کیوٹو یونیورسٹی کے ادارہ برائے انسانی ارتقائی رویے میں تحقیقی مقاصد کے لیے موجود تھی۔
اے آئی کو 1977 میں مغربی افریقہ سے جاپان لایا گیا تھا جہاں اس کی ذہانت، یادداشت اور سیکھنے کی صلاحیتوں پر تحقیق کی گئی۔ ماہرین کے مطابق وہ نمبروں، رنگوں اور اشیاء کی پہچان کے ساتھ ساتھ پینٹنگ بنانے کی صلاحیت بھی رکھتی تھی۔
میڈیا رپورٹس کے مطابق اے آئی 9 جنوری کو بڑھاپے اور اعضاء کی خرابی کے باعث چل بسی۔