پاکستان ہاکی کی بحالی کیلئے اولمپئنز پر مشتمل تھنک ٹینک قائم

پاکستان ہاکی فیڈریشن نے قومی کھیل کو درپیش سنگین چیلنجز اور عالمی سطح پر مسلسل کمزور کارکردگی کے پیش نظر اولمپئنز پر مشتمل ایک خصوصی تھنک ٹینک قائم کرنے کا فیصلہ کیا ہے۔

فیڈریشن کے مطابق یہ تھنک ٹینک جدید ہاکی کے تقاضوں، کوچنگ سسٹم، ڈومیسٹک اسٹرکچر اور گراس روٹ ڈویلپمنٹ پر جامع سفارشات مرتب کرے گا، جن کی بنیاد پر عملی اصلاحات متعارف کرائی جائیں گی۔

پاکستان ہاکی فیڈریشن کا کہنا ہے کہ اس اقدام کا بنیادی مقصد قومی کھیل کی عالمی سطح پر کھوئی ہوئی شناخت کو بحال کرنا اور مستقبل میں بہتر نتائج کی راہ ہموار کرنا ہے۔