آسٹریلوی ویمن کپتان ایلیسا ہیلی نے ریٹائرمنٹ کا اعلان کر دیا

آسٹریلوی ویمن کرکٹ ٹیم کی کپتان ایلیسا ہیلی نے ریٹائرمنٹ کا اعلان کر دیا ہے۔ کرکٹ آسٹریلیا کے مطابق ہیلی بھارت کے خلاف آنے والی سیریز کے بعد تمام فارمیٹس سے ریٹائر ہوں گی۔

35 سالہ ہیلی نے 2010 میں اپنا انٹرنیشنل کیریئر شروع کیا، اور اب تک 295 میچز میں 7 ہزار سے زائد رنز بنا چکی ہیں اور وکٹ کیپر کے طور پر 275 آؤٹ کیے ہیں۔ وہ 2023 سے فل ٹائم کپتان ہیں اور 8 آئی سی سی ورلڈ کپ ٹائٹلز کا حصہ رہیں۔

ہیلی نے کہا کہ میں ابھی بھی آسٹریلیا کے لیے کھیلنے کا جذبہ رکھتی ہوں، لیکن مقابلے کا پہلو شاید کھو دیا ہے، اس لیے یہ ریٹائرمنٹ کا مناسب وقت ہے۔ وہ بھارت کے خلاف آخری مرتبہ ون ڈے اور ٹیسٹ کھیلیں گی، جبکہ ٹی 20 ٹیم کا حصہ نہیں ہوں گی۔