برطانوی ویزا قوانین میں اہم تبدیلیاں، نئے قواعد 8 جنوری سے نافذ

برطانیہ نے اپنی امیگریشن رولز میں اعلان شدہ تبدیلیوں پر عمل درآمد شروع کر دیا ہے۔ ویب سائٹ پر اپڈیٹس کے مطابق، یہ نئے قواعد 8 جنوری 2026 سے نافذ ہوں گے اور مختلف ویزا کیٹیگریز پر اثر ڈالیں گے۔

برطانوی حکومت نے اسکیلڈ ورکر ویزا قواعد میں ترامیم کی ہیں، جبکہ ہائی پوٹینشل انڈویجول ویزا اور اسکیل اپ ویزا قوانین میں بھی نئی شرائط نافذ کی گئی ہیں۔ ورک ویزا کے درخواست گزاروں کے لیے انگریزی زبان کی شرط مزید سخت کر دی گئی ہے۔ نئے قواعد کے تحت انگریزی معیار B2 لِیول مقرر کیا گیا ہے، جو صرف نئی درخواستوں پر لاگو ہوگا، موجودہ ویزا ہولڈرز کو استثنیٰ حاصل ہے۔

ہوم آفس کا کہنا ہے کہ ان تبدیلیوں کا مقصد ورک فورس کے معیار کو بہتر بنانا اور ویزا درخواستوں کے عمل کو شفاف بنانا ہے۔