پاکستان اور سری لنکا کے درمیان دوسرا ٹی 20 بارش کے باعث منسوخ

دمبولا: پاکستان اور سری لنکا کے درمیان تین میچز پر مشتمل سیریز کا دوسرا ٹی ٹوئنٹی بارش کے باعث منسوخ کر دیا گیا۔ میچ سے قبل شدید بارش کے باعث گراؤنڈ کو مکمل طور پر کور کر لیا گیا تھا، جس کے سبب ٹاس میں تاخیر ہوئی اور بعد ازاں میچ منسوخی کا اعلان کر دیا گیا۔

سیریز میں پاکستان کو 1-0 کی برتری حاصل ہے، گرین شرٹس نے پہلا ٹی ٹوئنٹی 6 وکٹ سے جیتا تھا۔ سیریز کا تیسرا اور آخری ٹی ٹوئنٹی میچ 11 جنوری کو دمبولا میں ہی کھیلا جائے گا۔