ننھی بچی کا دنیا کے تمام ڈزنی پارکس دیکھنے کا عالمی ریکارڈ قائم

امریکہ سے تعلق رکھنے والی 3 سالہ بچی بوٹسی ڈیرنگٹن (Bootsie Derrington) نے انتہائی کم عمری میں ایک شاندار عالمی ریکارڈ قائم کر کے دنیا بھر کو حیران کر دیا ہے۔ ننھی بوٹسی دنیا بھر میں قائم تمام 12 ڈزنی تھیم پارکس (Disney Theme Parks) کا کامیابی سے دورہ کرنے والی دنیا کی کم عمر ترین شخصیت بن گئی ہیں۔ گینیز ورلڈ ریکارڈز کے مطابق بوٹسی نے یہ اہم اعزاز محض 3 سال اور 139 دن کی عمر میں اپنے نام کیا۔

بوٹسی کے اس ایڈونچر کا آغاز 2024ء میں جاپان کے ‘ٹوکیو ڈزنی سی’ سے ہوا تھا، جب وہ اتنی چھوٹی تھیں کہ ٹھیک سے چل بھی نہیں سکتی تھیں۔ تقریباً ڈھائی سال پر محیط اس منفرد سفر میں بوٹسی نے اپنے والدین اور 5 سالہ بھائی بریگز کے ساتھ ایشیا، یورپ اور امریکہ میں واقع ڈزنی کے تمام 12 پارکس کی سیر کی۔ اس تاریخی سفر کا آخری پڑاؤ 14 ستمبر 2026ء کو ‘ڈزنی لینڈ پیرس’ بنا، جہاں گینیز ورلڈ ریکارڈز کے نمائندے ولیم سنڈن نے موقع پر موجود رہ کر باضابطہ طور پر بوٹسی کے اس ریکارڈ کی تصدیق کی۔