3 سالہ بچے نے کتاب شائع کر کے عالمی ریکارڈ بنا لیا

امریکہ میں مقیم بھارتی نژاد 3 سالہ بچے ادوے جین نے دنیا کے کم عمر ترین مصنف کا اعزاز حاصل کرتے ہوئے اپنا نام گنیز ورلڈ ریکارڈز میں درج کروا لیا ہے۔ امریکی ریاست نیو جرسی سے تعلق رکھنے والے ادوے جین کی شائع شدہ کتاب کا نام ’ڈینو لرنز ناٹ ٹو ویسٹ فوڈ‘ (Dino Learns Not to Waste Food) ہے، جس میں بچوں کو کھانے کی اہمیت اور اسے ضائع نہ کرنے کا سبق آموز پیغام دیا گیا ہے۔ رپورٹس کے مطابق بچے کو اس کہانی کا خیال اپنے اسکول میں لنچ ٹائم کے تجربات سے ملا، جسے اس نے ایک بہترین کہانی کا روپ دے دیا۔ گنیز ورلڈ ریکارڈز نے 3 اپریل 2026ء کو باقاعدہ تصدیق کرتے ہوئے ادوے جین کو مردوں کے زمرے میں کتاب شائع کرنے والا دنیا کا سب سے کم عمر ترین مصنف قرار دے دیا ہے۔