20ویں ایشین گیمز: ہاکی ایونٹ کے ڈراز کا اعلان، پاکستان پول بی میں شامل

20ویں ایشین گیمز کے ہاکی ایونٹ کے قرعہ اندازی کا اعلان کر دیا گیا ہے، جہاں پاکستان کو نسبتاً آسان ٹیموں پر مشتمل پول بی میں رکھا گیا ہے۔ جاپان میں 18 ستمبر سے 3 اکتوبر تک ہونے والے اس ایونٹ کے پول بی میں پاکستان کے ساتھ چین، ملائیشیا، عمان، تھائی لینڈ اور ازبکستان کی ٹیمیں شامل ہیں۔ پاکستان کا پہلا میچ 20 ستمبر کو تھائی لینڈ کے خلاف ہوگا، جبکہ دیگر میچز میں 22 ستمبر کو ازبکستان، 24 ستمبر کو چین، 26 ستمبر کو ملائیشیا اور 28 ستمبر کو عمان سے مقابلہ ہوگا۔ دوسری جانب، پول اے میں میزبان جاپان، کوریا، بھارت، بنگلادیش، انڈونیشیا اور سری لنکا کی ٹیمیں مدِمقابل ہوں گی۔