امریکا: کم عمر لڑکے نے ’پنڈالو‘ سے نیا ریکارڈ بنا دیا

واشنگٹن: امریکا کے ایک کم عمر لڑکے نے کھلونا پنڈالو استعمال کرتے ہوئے گینیز ورلڈ ریکارڈ قائم کر لیا۔

امریکی ریاست وسکانسن سے تعلق رکھنے والے 11 سالہ سیلب ہنٹر نے پنڈالو (جو انگریزی حرف U کی شکل کا ہوتا ہے اور جس کی ایک نالی سے گیند اندر جبکہ دوسری سے باہر نکلتی ہے) کے ذریعے 30 سیکنڈ میں 51 چکر مکمل کیے اور انڈر-16 کیٹیگری میں نیا عالمی ریکارڈ بنا دیا۔

ریکارڈ بنانے کے بعد مقامی میڈیا سے گفتگو کرتے ہوئے سیلب ہنٹر نے بتایا کہ اس کامیابی کے لیے انہوں نے کافی عرصے تک مسلسل پریکٹس کی۔ ان کا کہنا تھا کہ مشق کے دوران اکثر گیند 30 سیکنڈ مکمل ہونے سے پہلے گر جاتی تھی، مگر انہوں نے ہمت نہیں ہاری۔

سیلب نے مزید بتایا کہ انہیں اس ریکارڈ کی جانب آنے کا حوصلہ اپنے والد سے ملا، جو خود بھی اس شعبے میں سابقہ ریکارڈ ہولڈر رہ چکے ہیں۔