رات کو دودھ پی کر سونے والے خبردار! ماہرین کا اہم انکشاف سامنے آگیا
Web Desk
30 October 2025
کیلیفورنیا: (ویب ڈیسک) سردیوں میں گرم اور گرمیوں میں ٹھنڈا دودھ پینا عام روایت ہے، مگر طبی ماہرین نے خبردار کیا ہے کہ ہر شخص کا جسم دودھ ہضم کرنے کی صلاحیت نہیں رکھتا۔
دودھ اگرچہ پروٹین، کیلشیم اور وٹامنز سے بھرپور ہوتا ہے اور صحت بخش غذا سمجھا جاتا ہے، لیکن ماہرین کے مطابق کچھ افراد کے لیے رات کو دودھ پینا نقصان دہ ثابت ہوسکتا ہے۔ ایسے لوگوں کو بدہضمی، پیٹ پھولنے اور گیس جیسے مسائل کا سامنا ہوسکتا ہے، خاص طور پر 30 سال سے زیادہ عمر کے افراد کو اس حوالے سے احتیاط برتنی چاہیے۔
کیلیفورنیا کے معدے کے ماہر ڈاکٹر پلائی ایم مینکم کے مطابق یہ مسئلہ لیکٹوس انٹالرینس کہلاتا ہے، جو اس وقت پیدا ہوتا ہے جب جسم میں دودھ ہضم کرنے والا لیکٹیس انزائم کم بننے لگتا ہے۔ 30 سال کے بعد اس انزائم کی پیداوار گھٹنے سے دودھ بڑی آنت میں جاکر بیکٹیریا کی سرگرمی بڑھا دیتا ہے، جس سے گیس، درد اور بدہضمی جیسی علامات ظاہر ہوتی ہیں۔
ڈاکٹر پلائی نے یہ بھی بتایا کہ سونے سے پہلے دودھ پینا بعض اوقات انسولین لیول میں اضافہ کر دیتا ہے، جس سے جسم کا قدرتی نیند کا نظام متاثر ہوسکتا ہے۔
ماہرین نے مشورہ دیا ہے کہ اگر دودھ پینے کے بعد ہاضمے کے مسائل بار بار سامنے آئیں تو ڈیری مصنوعات کم کریں یا لیکٹوس فری دودھ کا استعمال کریں تاکہ صحت اور نیند دونوں بہتر رہ سکیں۔
متعلقہ عنوانات
کینگرو کیئر قبل از وقت پیدا ہونے والے بچوں کی اموات کا خطرہ کم کر سکتا ہے: تحقیق
19 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026
الزائمرز کی علامات بیماری سے 10 سال پہلے ظاہر ہو سکتی ہیں: نئی تحقیق
17 November 2026
ناکافی نیند خواتین میں ٹائپ ٹو ذیابیطس کا خطرہ بڑھا سکتی ہے، تحقیق
17 November 2026
دمہ اور پھیپھڑوں کے مریضوں میں فلو سے موت کا خطرہ سات گنا زیادہ ہونے کا انکشاف
17 November 2026
پی ایم ڈی سی نے رجسٹرڈ ڈاکٹرز کے لیے اہم الرٹ جاری کردیا
16 November 2026
انسداد پولیو مہم میں 97 فیصد بچوں کو بچاؤ کے قطرے پلائے: چیف سیکرٹری خیبرپختونخوا
16 November 2026