LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم پاکستان اور ترکمانستان کی وزارت خارجہ کے درمیان تعاون کے پروگرام پر دستخط قیمتی پتھروں کی برآمدات ایک ارب ڈالر تک بڑھانے کا ہدف مقرر کردیا، لیفٹیننٹ جنرل (ر) محمد ظفر اقبال چھوٹے انتظامی یونٹس کے حمایتی، کام آئینی فریم ورک میں ہونا چاہیے: حافظ نعیم ایران کا بحرین میں امریکی ریڈار سسٹم کو ڈرون حملے سے نشانہ بنانے کا دعویٰ

ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ

Web Desk

17 November 2026

ڈرگ ریگولیٹری اتھارٹی آف پاکستان (ڈریپ) نے جعلی اور غیر معیاری ادویات کی روک تھام اور سپلائی چین کو شفاف بنانے کے لیے ادویات کی بارکوڈنگ اور سیریلائزیشن کے نئے ضوابط پر عمل درآمد لازمی قرار دے دیا ہے۔

ڈریپ کے جاری کردہ احکامات کے مطابق 9 اکتوبر 2026 سے تیار ہونے والی تمام فارماسیوٹیکل مصنوعات اور ادویات کی پیکنگ پر 2ڈی (2D) بارکوڈنگ کا استعمال لازمی ہوگا، جبکہ ملک بھر کی مقامی ادویات ساز کمپنیوں اور درآمد کنندگان کو ان نئے ضوابط پر ہو بہو عمل درآمد کرنے کی سخت ہدایت کی گئی ہے۔

حکام کا کہنا ہے کہ نئے قوانین کے تحت ادویات کی پیکنگ پر تاریخِ تیاری، تاریخِ تنسیخ (ایکسپائری)، بیچ نمبر، قیمت اور ایک منفرد سیریل نمبر واضح طور پر درج کرنا لازمی قرار دیا گیا ہے۔ اسی طرح ٹریک اینڈ ٹریس سسٹم میں جمع کرایا جانے والا ڈیجیٹل ڈیٹا ادویات کی اصل فزیکل پیکنگ پر درج معلومات کے عین مطابق ہونا چاہیے۔ ڈیجیٹل ریکارڈ یا پیکنگ پر درج معلومات میں کسی بھی قسم کی غلطی، غلط رپورٹنگ یا ردوبدل کو قانون اور ضوابط کی سنگین خلافورزی تصور کیا جائے گا۔

ڈریپ نے واضح کیا ہے کہ اس بارکوڈنگ اور سیریلائزیشن کے نظام کی مؤثر نگرانی کے لیے ڈریپ کے انسپکٹرز باقاعدگی سے ادویات ساز فیکٹریوں، درآمد کنندگان کے دفاتر اور سپلائی چین کے مراکز کا دورہ اور معائنہ کریں گے۔ اس دوران ادویات کے مختلف بیچز کی فزیکل تصدیق اور ٹریک اینڈ ٹریس سسٹم میں جمع ڈیٹا کا آپس میں تقابل کیا جائے گا۔

اتھارٹی نے خبردار کیا ہے کہ نئے ضوابط کی خلاف ورزی کرنے، سسٹم میں غلط ڈیٹا جمع کرانے یا معلومات میں ردوبدل کرنے والے عناصر کے خلاف ڈریپ ایکٹ اور ڈرگز ایکٹ کے تحت سخت ترین قانونی کارروائی عمل میں لائی جائے گی۔ تاہم ڈریپ نے یہ بھی وضاحت کی ہے کہ 9 اکتوبر 2026 سے پہلے سے تیار شدہ ادویات کا موجودہ اسٹاک ان نئے ضوابط سے مستثنیٰ ہوگا، جسے اس کی معیاد ختم ہونے تک فروخت کرنے کی اجازت دی گئی ہے۔