وزیر اعظم کے استثنیٰ سے متعلق شق فوری طور پر مسودے سے خارج کی جائے،شہباز شریف کی ہدایت

وزیراعظم شہباز شریف نے ہدایت کی ہے کہ وزیر اعظم کے استثنیٰ سے متعلق شق فوری طور پر مسودے سے خارج کی جائے
ایکس پر اپنے پیغام پر وزیرِاعظم نے بتایا کہ آذربائیجان سے واپسی پر انہیں بتایا گیا کہ ان کی پارٹی کے چند سینیٹرز نے وزیر اعظم کے استثنیٰ سے متعلق ایک ترمیمی شق سینیٹ میں پیش کی، جو کابینہ سے منظور شدہ مسودے کا حصہ نہیں تھی۔وزیراعظم نے معزز سینیٹرز کے نیک ارادوں کو سراہتے ہوئے فوری طور پر اس ترمیم کو واپس لینے کی ہدایت کی۔ انہوں نے زور دیا کہ منتخب وزیراعظم قانون اور عوام کی عدالت کے سامنے ہر حال میں جوابدہ ہیں۔ وزیرِاعظم نے کہا کہ یہ اقدام پارلیمانی عمل کی شفافیت اور قانون کی حکمرانی کے اصولوں کو یقینی بنانے کی کوشش کے طور پر لیا گیا ہے، تاکہ مسودہ کسی غیر ضروری تبدیلی کے بغیر آئینی اور قانونی معیار کے مطابق پیش کیا جا سکے