وفاقی وزیرِ پٹرولیم کی آئل ٹینکر کنٹریکٹرز سے ملاقات، مسائل کے حل کیلئے کمیٹی قائم

وفاقی وزیرِ پٹرولیم علی پرویز ملک سے صدر عابداللہ آفریدی کی قیادت میں آئل ٹینکر کنٹریکٹرز ایسوسی ایشن (اوٹکا) کے وفد نے کامیاب ملاقات کی، جس میں آئل ٹینکرز سے متعلق تمام مسائل باہمی مشاورت سے حل کرنے پر اتفاق کیا گیا۔ اوٹکا کی جانب سے وائٹ آئل پائپ لائن کے کوٹے، فریٹ فارمولے اور کمرشل لوڈنگ سے متعلق پیش کردہ مطالبات پر وفاقی وزیر نے اسپیشل سیکریٹری پٹرولیم کی سربراہی میں ایک اعلیٰ سطحی کمیٹی تشکیل دے دی ہے، جس میں ڈی جی آئل، اوگرا، اوٹکا اور او سی اے سی کے نمائندے شامل ہوں گے اور یہ کمیٹی 1 ہفتے میں اپنی سفارشات پیش کرے گی۔ وفاقی وزیر نے واضح کیا کہ حکومت کی اولین ترجیح ملک بھر میں ایندھن کی بلا تعطل فراہمی کو یقینی بنانا ہے، جبکہ اوٹکا وفد نے حکومت کے اس مثبت اقدام اور کمیٹی کے قیام کا خیرمقدم کیا ہے۔