LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
ٹرمپ نے جنگ بندی میں توسیع صرف3سے 5روزکےلیے کی، جلد ڈیل چاہتےہیں، امریکی میڈیا اگلے 36سے 72گھنٹوں میں پاکستان میں امریکا ایران مذاکرات ممکن ہیں،ٹرمپ سفارتی میدان میں ہونے والی پیش رفت پر نظررکھے ہوئے ہیں، ایرانی وزارت خارجہ آبنائے ہرمزکے قریب 3بحری جہازوں پر فائرنگ، 2جہازایرانی تحویل میں وزیرِ اعظم شہباز شریف سے ایرانی سفیر کی ملاقات: علاقائی امن اور دوطرفہ تعاون پر اہم گفتگو برطانیہ کی امریکہ ایران مذاکرات میں پاکستان کے ثالثی کردار کی حمایت، اسحاق ڈار اور برطانوی ہائی کمشنر کی ملاقات حکومت اور آئی ایم ایف میں نئی آٹو پالیسی پر اتفاق، ڈیوٹیز میں کمی کا فیصلہ پہلگام واقعہ کے ایک سال بعد بھی بھارت شواہد پیش نہ کر سکا: عطاء اللہ تارڑ ایران جنگ کی مخالفت: ایرانی نژاد امریکی رکن کانگریس یاسمین انصاری کو دھمکیاں زمین کے قدرتی وسائل انسانی زندگی کی بقا کیلئے ناگزیر ہیں: وزیراعظم جنگ کیلئے تیار، جنگ بندی کے دوران صلاحیتیں مزید بہتر بنا رہے ہیں: سینٹ کام ایران سے حقائق پر بات کرنے کے بجائے اسے ٹرخایا گیا، دھمکیاں بھی دی گئیں: روس اقوام متحدہ کا جنگ بندی میں توسیع کا خیر مقدم، پاکستانی کوششوں کی مکمل حمایت امریکی نائب صدر جے ڈی وینس کا دورہ پاکستان منسوخ، وائٹ ہاؤس نے تصدیق کردی ایران نے مذاکرات کے حوالے سے امریکہ کی  شرائط مسترد کردیں: ایرانی سرکاری میڈیا

صدرِ مملکت نے سینیٹ اجلاس طلب کرلیا، 18 نکاتی ایجنڈا جاری

Web Desk

3 November 2025

صدرِ مملکت آصف علی زرداری نے سینیٹ کا اجلاس کل شام 5 بجے طلب کرلیا ہے جس کا باضابطہ نوٹیفکیشن سینیٹ سیکرٹریٹ کی جانب سے جاری کیا گیا۔ اجلاس کے ساتھ ہی 18 نکاتی ایجنڈا بھی جاری کردیا گیا ہے جس میں اہم قانون سازی، مختلف وزارتوں سے متعلق سوالات اور کئی کمیٹی رپورٹس کی پیشکش شامل ہے۔

ایجنڈے کے مطابق اجلاس میں سینیٹر شیری رحمٰن ماحولیاتی تبدیلی سے متعلق کمیٹی کی دو رپورٹس پیش کریں گی جبکہ سینیٹر عرفان صدیقی خارجہ امور کمیٹی کی رپورٹ ایوان میں رکھیں گے۔ یوٹیلٹی اسٹورز کارپوریشن کی ممکنہ بندش پر سینیٹر عون عباس اپنی رپورٹ پیش کریں گے۔ اسی دوران سینیٹر رانا محمود الحسن نیشنل اسکول آف پبلک پالیسی ایکٹ میں ترمیم کا بل ایوان میں لائیں گے، جبکہ وزیرِ قانون اعظم نذیر تارڑ قانونِ شہادت (ترمیمی) بل 2025 پیش کریں گے۔

اجلاس میں وزیرِ خزانہ محمد اورنگزیب ورچوئل ایسٹس آرڈیننس میں 120 روز کی توسیع کی قرارداد پیش کریں گے، اور وزیرِ داخلہ محسن نقوی فرنٹیر کانسٹیبلری (تنظیمِ نو) آرڈیننس 2025 ایوان میں رکھیں گے۔ اس کے علاوہ وزیرِ تعلیم خالد مقبول صدیقی کنگ حمد یونیورسٹی نرسنگ بل اور دانش اسکول اتھارٹی بل پیش کریں گے جبکہ وزیرِ سرمایہ کاری قیصر احمد شیخ آسان کاروبار بل 2025 سینیٹ میں لائیں گے۔

سینیٹ کا یہ اجلاس نہ صرف قانون سازی کے اہم مرحلے کے لیے اہم سمجھا جا رہا ہے بلکہ مختلف قومی اداروں، پالیسی اصلاحات اور حکومتی اقدامات پر تفصیلی بحث کی بھی توقع ہے۔