فلپائن میں خاتون پالتو کتوں کو بچانے کے لیے آگ میں کود گئی

میڈیا رپورٹ کے مطابق فلپائن کے صوبہ سیبو کے شہرمنڈاؤ میں جائے وقوعہ پر آگ تیزی سے پھیل رہی تھی مگر خاتون نے عمارت چھوڑنے سے انکار کر دیا اور کہا کہ وہ اپنے کتوں کو اکیلا نہیں چھوڑ سکتی۔

عینی شاہدین کے مطابق خاتون ایک سیڑھی کے ذریعے اوپر چڑھی اور ایک ایک کر کے اپنے تمام کتوں کو نیچے محفوظ مقام پر پھینکا تاکہ وہ آگ کی لپیٹ میں آنے سے بچ جائیں، تمام کتوں کے نیچے پہنچنے کے بعد خاتون خود ریلنگ سے لٹک گئیں، جبکہ فائر فائٹرز اوپر پہنچ کر انہیں بحفاظت نیچے لے آئے۔ریسکیو حکام کے مطابق خاتون کو معمولی چوٹیں آئیں، تاہم ان کی حالت خطرے سے باہر ہے، خوش قسمتی سے تمام پالتو کتے بھی محفوظ رہے۔فائر بریگیڈ حکام کا کہنا ہے کہ بروقت کارروائی کے باعث بڑا جانی نقصان ہونے سے بچ گیا، جبکہ خاتون کا اقدام غیر معمولی جرات اور حوصلے کی عکاسی کرتا ہے۔اس واقعہ کی ویڈیوز اور تصاویر سوشل میڈیا پر وائرل ہو گئیں، جس کے بعد دنیا بھر سے صارفین نے خاتون کی بہادری اور جانوروں سے محبت کو خراجِ تحسین پیش کیا، کئی افراد نے انہیں انسانیت اور ہمدردی کی مثال قرار دیا۔