واٹس ایپ نے دو نئے فیچرز بیٹا ورژن میں پیش کردیئے

واٹس ایپ نے صارفین کے تجربے کو مزید بہتر بنانے کے لیے اینڈرائیڈ بیٹا ورژن میں دو نئے فیچرز متعارف کرا دیے ہیں جن کی آزمائش جاری کردئیے
پہلا فیچر اسٹیٹس اپ ڈیٹس سے متعلق ہے جس میں اے آئی ایڈیٹنگ ٹولز شامل کیے جا رہے ہیں۔ ان ٹولز کے ذریعے صارفین نہ صرف تصاویر میں تبدیلی کر سکیں گے بلکہ پس منظر ہٹانے، نئی اشیاء شامل کرنے اور تصاویر کو انیمیٹ کرنے کی سہولت بھی حاصل ہوگی۔ یہ ٹولز واٹس ایپ میں موجود ایفیکٹس یا فلٹرز بٹن کی جگہ شامل کیے جائیں گے۔
دوسرا فیچر گروپ چیٹس کے لیے تیار کیا گیا ہے جس کی مدد سے کسی گروپ میں نئے شامل ہونے والے صارفین، جوائن کرنے سے 24 گھنٹے قبل تک کے ایک ہزار پیغامات دیکھ سکیں گے۔ اس طرح گروپ ایڈمنز کو پرانی گفتگو الگ سے بھیجنے کی ضرورت نہیں رہے گی۔ نیا آپشن گروپ پرمیشن اسکرین میں دستیاب ہوگا۔
واٹس ایپ کے مطابق دونوں فیچرز فی الحال بیٹا ٹیسٹنگ میں ہیں اور جلد تمام صارفین کے لیے بھی پیش کیے جانے کا امکان ہے۔