واٹس ایپ کا گروپ چیٹ کے لئے متعدد نئے فیچرز کا اعلان

انسٹنٹ میسجنگ ایپلی کیشن واٹس ایپ نے گروپ چیٹس کے تجربے کو بہتر بنانے کے لیے متعدد نئے اور جدید فیچرز متعارف کرانے کا اعلان کیا ہے۔ نئے فیچرز کے تحت اب چیٹ لسٹ میں ‘مینشنز اینڈ ریپلائیز’ کا فلٹر شامل کیا گیا ہے، جس سے صارف صرف وہی چیٹس دیکھ سکے گا جہاں اسے ٹیگ یا جواب دیا گیا ہو۔ اس کے علاوہ سب سے اہم تبدیلی کے طور پر اہم پیغامات کو 24 گھنٹے یا 30 دن کے محدود وقت کے بجائے غیر معینہ مدت (ہمیشہ) کے لیے پِن کرنے کا آپشن دیا گیا ہے۔ کمپنی نے گروپ میں نئے شامل ہونے والے ارکان کو پرانے حالیہ پیغامات دکھانے کے طریقہ کار کو آسان بنانے کے ساتھ ساتھ صرف مخصوص گروپ ممبران کے لیے ‘گروپ سٹیٹس شیئرنگ’ کا فیچر بھی پیش کر دیا ہے، جو 24 گھنٹے بعد خود بخود غائب ہو جائے گا۔