امریکا اور ایران میں ثالثی کے ذریعے مذاکرات جاری، کشیدگی کم کرنے کی کوششیں تیز

امریکا اور ایران کے درمیان ثالثی کے ذریعے اہم سفارتی مذاکرات جاری ہیں، جبکہ خطے میں کشیدگی کم کرنے کے لیے پس پردہ رابطوں میں نمایاں تیزی آگئی ہے۔

ذرائع کے مطابق امریکی صدر ڈونلڈ ٹرمپ کی ممکنہ کارروائی کو روکنے کے لیے سفارتی سطح پر کوششیں تیز کر دی گئی ہیں۔ اطلاعات ہیں کہ آج رات آٹھ بجے سے قبل کسی اہم پیشرفت کا امکان ظاہر کیا جا رہا ہے۔

امریکی حکام اب بھی کسی ممکنہ معاہدے کے حوالے سے پُرامید ہیں، جبکہ یہ بھی کہا جا رہا ہے کہ ایران پر ممکنہ حملہ مؤخر ہونے یا اس کی شدت میں کمی آنے کا امکان موجود ہے۔

سفارتی ذرائع کے مطابق دونوں ممالک کے درمیان ڈیڈ لائن سے پہلے کسی نتیجے پر پہنچنے کی بھرپور کوششیں جاری ہیں تاکہ خطے میں بڑھتی ہوئی کشیدگی کو کم کیا جا سکے۔