اسرائیل بھی عارضی جنگ بندی پر آمادہ، ایران پر بمباری روکنے کا اعلان

وائٹ ہاؤس کے ایک عہدیدار کے مطابق اسرائیل نے بھی عارضی جنگ بندی پر اتفاق کرتے ہوئے ایران کے خلاف بمباری روک دی ہے اور مذاکراتی عمل میں شامل ہونے کا فیصلہ کیا ہے۔

عہدیدار کا کہنا تھا کہ خطے میں کشیدگی کم کرنے کے لیے سفارتی کوششیں نتیجہ خیز ثابت ہو رہی ہیں اور اب مختلف فریقین بات چیت کی میز پر آ رہے ہیں۔

یاد رہے کہ پاکستان کی سفارتی کوششوں کے نتیجے میں امریکی صدر ڈونلڈ ٹرمپ نے بھی جنگ بندی میں دو ہفتوں کی توسیع کا اعلان کیا تھا، جس کے بعد خطے میں حالات میں بہتری کی امید پیدا ہوئی ہے۔

امریکی صدر نے ایران کو دی گئی ڈیڈ لائن ختم ہونے سے محض کچھ وقت پہلے جنگ بندی کا اعلان کیا تھا، جس کا مقصد کشیدگی کو کم کرنا اور سفارتی حل کو موقع دینا ہے۔

دوسری جانب وزیراعظم شہباز شریف نے اپنے بیان میں کہا تھا کہ مشرق وسطیٰ میں جاری تنازع کے پُرامن حل کے لیے سفارتی کوششیں تسلسل کے ساتھ جاری ہیں اور جلد مثبت نتائج سامنے آنے کی توقع ہے۔