وفاقی کابینہ کا اہم اجلاس آج طلب، مشرق وسطیٰ کی صورتحال پر غور ہوگا

وزیراعظم شہباز شریف نے وفاقی کابینہ کا ایک اہم اجلاس آج طلب کر لیا ہے، جس میں مشرقِ وسطیٰ کی تیزی سے بدلتی ہوئی صورتحال اور ملکی معیشت سے متعلق کلیدی فیصلے متوقع ہیں۔ ذرائع کے مطابق، وزیراعظم کابینہ کے ارکان کو امریکہ اور ایران کے درمیان ہونے والی حالیہ جنگ بندی اور اس سلسلے میں پاکستان کی کامیاب سفارتی کوششوں پر تفصیلی اعتماد میں لیں گے۔ اجلاس میں عالمی سطح پر پاکستان کے بڑھتے ہوئے ثالثی کردار اور ‘اسلام آباد مذاکرات’ کے حوالے سے اب تک ہونے والی پیش رفت پر بھی غور کیا جائے گا۔

علاوہ ازیں، اجلاس کے ایجنڈے میں ملک میں پیٹرولیم مصنوعات کے ذخائر اور ان کی دستیابی کا جائزہ لینا بھی شامل ہے۔ ذرائع کا کہنا ہے کہ عالمی مارکیٹ میں تیل کی قیمتوں کے بدلتے ہوئے رجحانات اور جنگ بندی کے اثرات کو مدنظر رکھتے ہوئے، وفاقی کابینہ پیٹرولیم مصنوعات کی قیمتوں میں ممکنہ ردوبدل پر بھی مشاورت کرے گی۔ عوامی ریلیف اور معاشی استحکام کے تناظر میں یہ اجلاس انتہائی اہمیت کا حامل قرار دیا جا رہا ہے، جہاں کئی دیگر انتظامی اور سیاسی امور کی منظوری بھی متوقع ہے