پاکستان اور روس کے درمیان عالمی سلامتی، اسلحہ کنٹرول اور ایران کی صورتحال پر تبادلہ خیال
Web Desk
8 April 2026
روسی وزارتِ خارجہ کے نائب وزیرِ خارجہ سرگئی ریابکوف نے روس میں تعینات پاکستان کے سفیر فیصل نیاز ترمذی سے اہم ملاقات کی ہے، جس میں عالمی سلامتی، اسلحہ کنٹرول اور جوہری عدم پھیلاؤ جیسے کلیدی موضوعات پر تفصیلی تبادلہ خیال کیا گیا۔ روسی وزارتِ خارجہ کی جانب سے جاری کردہ بیان کے مطابق، اس ملاقات میں مشرقِ وسطیٰ کی موجودہ صورتحال، بالخصوص ایران کے خلاف امریکہ اور اسرائیل کی جانب سے کی جانے والی غیر اشتعال انگیز جارحیت پر خاص توجہ دی گئی۔ دونوں فریقین نے خطے میں بڑھتی ہوئی کشیدگی کو عالمی امن و استحکام کے لیے ایک بڑا خطرہ قرار دیتے ہوئے اس کے ممکنہ اثرات پر گہری تشویش کا اظہار کیا۔
ملاقات کے دوران اس بات پر زور دیا گیا کہ موجودہ عالمی تنازعات کا حل صرف مسلسل مکالمے اور مضبوط سفارتی رابطوں کے ذریعے ہی ممکن ہے۔ فریقین نے اس عزم کا اعادہ کیا کہ بین الاقوامی قوانین کے احترام اور سفارت کاری کو فروغ دے کر ہی خطے میں دیرپا امن و استحکام کو یقینی بنایا جا سکتا ہے۔ سفارتی ماہرین اس ملاقات کو پاک روس تعلقات کی مضبوطی اور عالمی سطح پر اہم سیکیورٹی امور پر دونوں ممالک کے درمیان ہم آہنگی کی ایک اہم کڑی قرار دے رہے ہیں۔
متعلقہ عنوانات
سٹاک مارکیٹ میں تیزی، کاروبار کا مثبت رجحان رہا
19 November 2026
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026