LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سٹاک مارکیٹ میں تیزی، کاروبار کا مثبت رجحان رہا بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں

جنگ بندی پر اظہار تشکر، وزیراعظم نے فریقین کو بات چیت کیلئے اسلام آباد مدعو کرلیا

Web Desk

8 April 2026

وزیراعظم پاکستان شہباز شریف نے امریکہ، ایران اور ان کے اتحادیوں کے درمیان لبنان سمیت دیگر محاذوں پر فوری جنگ بندی کے معاہدے کا خیرمقدم کرتے ہوئے فریقین کو حتمی تصفیے کے لیے 10 اپریل 2026 کو اسلام آباد آنے کی باقاعدہ دعوت دے دی ہے۔ سوشل میڈیا پلیٹ فارم ‘ایکس’ پر جاری اپنے پیغام میں وزیراعظم نے کہا کہ انہیں یہ اعلان کرتے ہوئے دلی خوشی ہو رہی ہے کہ دونوں ممالک نے امن کی خاطر جنگ بندی پر اتفاق کر لیا ہے۔ انہوں نے فریقین کی قیادت کی جانب سے دکھائی گئی حکمت اور سمجھداری کی تعریف کرتے ہوئے امید ظاہر کی کہ جمعہ کو ہونے والے ‘اسلام آباد مذاکرات’ خطے میں پائیدار امن کے قیام کے لیے سنگِ میل ثابت ہوں گے۔

واضح رہے کہ یہ بڑی سفارتی کامیابی وزیراعظم شہباز شریف کی ان انتھک کوششوں کا نتیجہ ہے جس میں انہوں نے امریکی صدر ڈونلڈ ٹرمپ سے ایران پر حملے کی ڈیڈ لائن میں دو ہفتوں کی توسیع اور ایران سے آبنائے ہرمز کھولنے کی درخواست کی تھی۔ فریقین کی جانب سے ان تجاویز پر رضامندی کے بعد اب پاکستان عالمی سطح پر ایک بڑے ثالث کے طور پر ابھرا ہے۔ وزیراعظم کا کہنا تھا کہ پاکستان امن و استحکام کے مقصد کو آگے بڑھانے کے لیے اپنا تعمیری کردار جاری رکھے گا تاکہ خطے کو ایک ہولناک تباہی سے بچایا جا سکے۔ عالمی حلقے اس پیش رفت کو پاکستانی سفارت کاری کی بڑی فتح اور ‘اسلام آباد مذاکرات’ کو عالمی امن کے لیے ایک نئی امید قرار دے رہے ہیں۔