ایرانی میزائل حملہ، سعودی اڈے پر امریکی ایئر وارننگ طیارہ تباہ ، تصاویر وائرل

ریاض: سعودی عرب کے پرنس سلطان ایئر بیس پر ایرانی حملے کے بعد امریکی فضائی نگرانی طیارہ تباہ ہونے کی خبریں سامنے آئی ہیں، جبکہ اس واقعے کی مبینہ تصاویر بھی سامنے آئی ہیں جو سوشل میڈیا پر تیزی سے پھیل رہی ہیں۔

اطلاعات کے مطابق حملے میں ایک ایسا امریکی طیارہ نشانہ بنایا گیا جو فضائی وارننگ اور کنٹرول نظام سے لیس ہوتا ہے اور دور دراز علاقوں میں دشمن کی سرگرمیوں کی نگرانی کی بھرپور صلاحیت رکھتا ہے۔

ماہرین کے مطابق یہ طیارے جنگی حکمت عملی میں ریڑھ کی ہڈی کی حیثیت رکھتے ہیں کیونکہ یہ فضائی نگرانی کے ساتھ ساتھ کمانڈ اور معلومات کی ترسیل میں بھی اہم کردار ادا کرتے ہیں۔

سابق فوجی تجزیہ کاروں کا کہنا ہے کہ اگر اس واقعے کی تصدیق ہو جاتی ہے تو خطے میں امریکی دفاعی نگرانی متاثر ہو سکتی ہے، جو پہلے ہی کشیدہ صورتحال کو مزید پیچیدہ بنا سکتی ہے۔

دوسری جانب تاحال اس واقعے کے بارے میں امریکی یا سعودی حکام کی جانب سے کوئی سرکاری بیان جاری نہیں کیا گیا، اور ماہرین محتاط رہنے اور تصدیق کا انتظار کرنے پر زور دے رہے ہیں۔