انڈر 19 ایشیا کپ فائنل: پاکستان کا بھارت کیخلاف ٹاس جیت کر بیٹنگ کا فیصلہ

انڈر 19 ایشیا کپ کے انتہائی سنسنی خیز فائنل مقابلے میں دفاعی چیمپئن پاکستان نے روایتی حریف بھارت کے خلاف ٹاس جیت کر پہلے بیٹنگ کرنے کا فیصلہ کیا ہے۔

سلطنتِ عمان کے شہر الامیرات میں کھیلے جا رہے اس بڑے معرکے کے لیے ایونٹ میں اب تک ناقابلِ شکست رہنے والی پاکستانی ٹیم کی فاتح پلیئنگ الیون میں کوئی تبدیلی نہیں کی گئی ہے۔ ٹاس کے موقع پر گفتگو کرتے ہوئے قومی انڈر 19 ٹیم کے کپتان فرحان یوسف کا کہنا تھا کہ وکٹ بیٹنگ کے لیے انتہائی سازگار دکھائی دے رہی ہے، اس لیے بڑا اسکور بورڈ پر سجانے کی غرض سے پہلے بیٹنگ کرنے کا فیصلہ کیا گیا ہے۔

دوسری جانب بھارتی انڈر 19 ٹیم کے کپتان کا کہنا تھا کہ اگر وہ ٹاس جیتتے تو پہلے بولنگ ہی کرنا چاہتے تھے، تاہم فائنل میچ کے لیے بھارتی ٹیم میں ایک تبدیلی کی گئی ہے۔

واضح رہے کہ انڈر 19 ایشیا کپ کے گزشتہ ایڈیشن کے فائنل میں بھی پاکستان نے روایتی حریف بھارت ہی کو شکست دے کر تاریخ میں پہلی مرتبہ یہ ٹائٹل اپنے نام کیا تھا، اور اب قومی ٹیم اپنے اعزاز کے کامیاب دفاع کے لیے پرعزم ہے۔