ٹینٹ پیگنگ ورلڈ کپ کے انفرادی راؤنڈ میں پاکستان نے سلور میڈل جیت لیا

اردن میں جاری ٹینٹ پیگنگ (نیزہ بازی) ورلڈ کپ کے انفرادی راؤنڈ میں پاکستان نے شاندار کارکردگی کا مظاہرہ کرتے ہوئے چاندی کا تمغہ اپنے نام کر لیا ہے۔ ایونٹ کے دوسرے روز پاکستانی نیزہ باز ناصر عباس نے بہترین مہارت دکھاتے ہوئے انفرادی کیٹیگری کے سوارڈ اور پیگ مقابلوں میں سلور میڈل جیت کر ملک کا نام روشن کیا، جبکہ ٹینٹ پیگنگ ورلڈ کپ کے آج ہونے والے آخری روز کے مقابلوں میں ٹیموں اور کھلاڑیوں کی مجموعی پوزیشنز کا حتمی فیصلہ کیا جائے گا۔