فیلڈ مارشل عاصم منیر سے سوڈانی وزیر داخلہ کی ملاقات، سکیورٹی تعاون مزید مضبوط بنانے پر اتفاق

سوڈان کے وزیر داخلہ لیفٹیننٹ جنرل (پولیس) بابیکر سمرا مصطفیٰ علی نے جی ایچ کیو (GHQ) راولپنڈی کا دورہ کیا، جہاں انہوں نے چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے ملاقات کی۔ پاک فوج کے شعبہ تعلقات عامہ (ISPR) کے مطابق ملاقات میں باہمی دلچسپی کے امور، علاقائی و عالمی سیکیورٹی صورتحال اور دونوں ممالک کے درمیان دوطرفہ تعلقات کو مزید فروغ دینے پر تبادلہ خیال کیا گیا۔ سوڈانی وزیر داخلہ نے علاقائی امن و استحکام میں پاکستان کے مثبت کردار اور دیرینہ برادرانہ تعلقات کو سراہا۔ فیلڈ مارشل سید عاصم منیر نے مشترکہ سیکیورٹی چیلنجز سے نمٹنے کے لیے قریبی تعاون کی اہمیت پر زور دیا، جبکہ دونوں جانب سے سیکیورٹی، انسدادِ دہشت گردی اور ادارہ جاتی سطح پر باہمی روابط کو مزید وسعت دینے پر اتفاق کیا گیا۔