امارات میں وزٹ ویزے پر کام جرم، غیر قانونی افراد کو پناہ دینے پر کروڑوں کا جرمانہ

ابوظبی: متحدہ عرب امارات نے امیگریشن اور رہائشی قوانین مزید سخت کرتے ہوئے غیر قانونی رہائشیوں کی مدد کرنے والوں کے خلاف زیرو ٹالرنس پالیسی نافذ کر دی ہے۔ حکام کے مطابق غیر قانونی افراد کو پناہ، نوکری یا رہائش فراہم کرنے پر 50 لاکھ درہم (38 کروڑ روپے) تک جرمانہ عائد ہو سکتا ہے۔

نئے قوانین کے تحت وزٹ ویزے پر کام کرنا جرم قرار دیا گیا ہے، جس پر 10 ہزار درہم (7 لاکھ 60 ہزار روپے) سے زائد جرمانہ ہوگا، جبکہ جعلی رہائشی دستاویزات پر 10 سال تک قید کی سزا دی جا سکے گی۔

حکومت امارات نے واضح کیا ہے کہ رہائشی قوانین کی خلاف ورزی کو قومی سلامتی کے خلاف جرم تصور کیا جائے گا۔ حکام کے مطابق لیبر مارکیٹ کے تحفظ کے لیے سخت کریک ڈاؤن شروع ہو چکا ہے اور تمام خلاف ورزیوں کے خلاف سخت قانونی کارروائی کی جائے گی۔