انڈر 19 ایشیا کرکٹ کپ: پاکستان کو بھارت کے ہاتھوں شکست کا سامنا

دبئی: 241 رنز کے ہدف کے تعاقب میں قومی انڈر 19 کرکٹ ٹیم 42ویں اوور میں 150 رنز بنا کر آؤٹ ہو گئی اور بھارت نے میچ 90 رنز سے اپنے نام کر لیا۔

پاکستان کی جانب سے حذیفہ احسن 70 رنز کے ساتھ نمایاں رہے، جبکہ کپتان فرحان یوسف نے 23 اور عثمان خان نے 16 رنز اسکور کیے۔ اس کے علاوہ کوئی بھی کھلاڑی ڈبل فگر میں داخل نہ ہو سکا۔

اس سے قبل آئی سی سی کرکٹ اکیڈمی دبئی میں کھیلے گئے میچ میں قومی ٹیم کے کپتان نے ٹاس جیت کر پہلے فیلڈنگ کا فیصلہ کیا۔ بارش کے باعث ٹاس میں تاخیر ہوئی اور میچ کو 49 اوورز فی اننگز تک محدود کر دیا گیا۔ بھارتی ٹیم نے پہلے بیٹنگ کرتے ہوئے 41.1 اوورز میں 10 وکٹوں کے نقصان پر 240 رنز بنائے۔بھارت کی جانب سے آرون جارج 85 رنز کے ساتھ ٹاپ اسکورر رہے، جبکہ کنشک چوہان نے 46 اور آیوش مہاترے نے 38 رنز بنائے۔ دیگر کھلاڑیوں میں ابھیگیان کنڈو 22، ویہان ملہوترا 12، ہینل پٹیل 12، کھیلان پٹیل 6، ویبھو سوریاونشی 5، ویڈانت ترویدی 7 اور دیپیش دیویندرن ایک رن بنا کر آؤٹ ہوئے۔پاکستان کی جانب سے محمد صیام اور عبدال سبحان نے 3،3 وکٹیں حاصل کیں، جبکہ نقاب شفیق نے 2 اور علی رضا اور احمد حسین نے ایک ایک کھلاڑی کو آؤٹ کیا۔

میچ میں بھارت کی متوازن کارکردگی کے مقابلے میں پاکستانی بیٹنگ لائن دباؤ برداشت نہ کر سکی، جس کے نتیجے میں قومی ٹیم کو شکست کا سامنا کرنا پڑا