LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سندھ، بلوچستان اور جنوبی پنجاب میں اگلے 3 ماہ خشک سالی کا خدشہ: سندھ حکومت کا بڑا فیصلہ؛ نوجوان گھر بیٹھے ڈالر کمائیں حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم پی سی بی نے نئے سینٹرل کنٹریکٹس کا اعلان کر دیا 190 ملین پاؤنڈز کیس:عمران خان اور بشریٰ بی بی کی اپیلیں سماعت کیلیے مقرر ذہنی معذوری کے شکار شخص کا مقدمہ قابل سماعت قرار، عدالت نے درخواست مسترد کر دی ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ ای سی سی نے مزید 4 لاکھ ٹن چینی برآمد کرنے کی منظوری دے دی آلائی کے علاقے بلیجہ میں اراضی کے تنازعے پر فائرنگ، 7 افراد جاں بحق، 10 زخمی امریکی ایف بی آئی کا حساس جرائم کا ڈیٹا بیس ہیک کرلیا گیا دعا ہے کہ وزیر اعظم اپنے 5 سال پورے کریں: بلاول بھٹو پاکستانی نژاد کینیڈین ذیشان واہلہ برٹش کولمبیا کے وزیر مملکت برائے ہاؤسنگ مقرر بریگزٹ کے بعد یورپی یونین اور برطانیہ کا اہم معاہدہ طے پا گیا اسرائیلی اپوزیشن رہنما گادی آئزن کا نیتن یاہو کو وزارت عظمیٰ سے ہٹانے کا اعلان امریکی محکمہ زراعت پر سائبر حملہ، اہم کمپیوٹر سسٹمز متاثر

آئی ایل ٹی 20 کا پانچواں سیزن کل سے شروع، بابراعظم اور شاداب خان مرکز نگاہ

Web Desk

20 November 2026

متحدہ عرب امارات میں عالمی کرکٹ کا بڑا میلہ سجنے کو تیار ہے، جہاں ڈی پی ورلڈ انٹرنیشنل لیگ ٹی ٹوئنٹی (ILT20) کے پانچویں سیزن کا باقاعدہ آغاز کل بروز ہفتہ 21 نومبر سے دبئی انٹرنیشنل کرکٹ اسٹیڈیم میں ہوگا۔

افتتاحی مقابلے میں دفاعی چیمپئن ڈیزرٹ وائپرز اور گزشتہ سیزن کی رنرز اپ ایم آئی ایمریٹس کی ٹیمیں مدِ مقابل ہوں گی، جبکہ پاکستان کے اسٹار کرکٹرز بابر اعظم اور شاداب خان سمیت دنیا کے نامور کھلاڑی شائقینِ کرکٹ کی خصوصی توجہ کا مرکز بنے رہیں گے۔

ٹورنامنٹ کے آغاز سے ایک روز قبل ایکسپو سٹی دبئی میں ڈی پی ورلڈ کے دفتر میں چھوں فرنچائزز کے نمایاں کھلاڑیوں نے مشترکہ پریس کانفرنس میں شرکت کی اور اپنی تیاریوں، ٹائٹل کے دفاع و حصول کے عزائم اور لیگ کے بڑھتے ہوئے عالمی معیار پر اظہارِ خیال کیا۔

ڈیزرٹ وائپرز کے انگلش فاسٹ بولر ڈیوڈ پین نے آل راؤنڈر شاداب خان کو ٹیم کا کپتان مقرر کیے جانے کو ایک بہترین فیصلہ قرار دیا، جبکہ بابر اعظم کی عالمی معیار کی بیٹنگ صلاحیتوں کو سراہتے ہوئے ان کے وسیع تجربے سے فائدہ اٹھانے کی خواہش کا اظہار کیا۔

ایم آئی ایمریٹس کے اسپنر راشد خان نے کہا کہ آئی ایل ٹی 20 کے آغاز کے بعد متحدہ عرب امارات میں کرکٹ کو نمایاں فروغ ملا ہے اور مقامی نوجوان کھلاڑیوں کو عالمی شہرت یافتہ اسٹارز کے ساتھ ڈریسنگ روم شیئر کر کے اپنی صلاحیتیں نکھارنے کے قیمتی مواقع میسر آ رہے ہیں۔

دبئی کیپیٹلز کی نمائندگی کرتے ہوئے پہلی مرتبہ لیگ میں شرکت کرنے والے جنوبی افریقہ کے سابق کپتان فاف ڈو پلیسی نے ٹورنامنٹ کے اعلیٰ معیار اور یو اے ای کی عالمی معیار کی کرکٹ سہولیات کو خوب سراہا۔ ابوظبی نائٹ رائیڈرز کے کولن منرو، گلف جائنٹس کے کپتان ہینرک کلاسن اور شارجہ واریئرز کے کپتان سکندر رضا نے بھی اپنی ٹیموں کی بھرپور تیاریوں اور چیمپئن بننے کے عزم کا اظہار کیا، جبکہ سکندر رضا نے لیگ میں ایسوسی ایٹ ممالک کے کھلاڑیوں کی لازمی شمولیت کو خوش آئند قرار دیا۔

شیڈول کے مطابق پانچویں سیزن کی رنگا رنگ افتتاحی تقریب دبئی انٹرنیشنل کرکٹ اسٹیڈیم میں شام ساڑھے چھ بجے منعقد ہوگی، جس میں خصوصی پرفارمنس، لیگ کے نئے ترانے کی رونمائی اور شاندار آتش بازی کا مظاہرہ کیا جائے گا، جس کے بعد افتتاحی میچ مقامی وقت کے مطابق شام 7 بج کر 20 منٹ پر شروع ہوگا۔

مجموعی طور پر 34 میچوں پر مشتمل اس ایونٹ میں بابر اعظم، شاداب خان، سنیل نارائن، نکولس پورن، جونی بیئرسٹو، فل سالٹ، مارکس اسٹوئنس، ڈیوڈ ملر اور لیام لیونگسٹون سمیت عالمی کرکٹ کے صفِ اول کے کھلاڑی ایکشن میں دکھائی دیں گے۔

لیگ کے کمنٹری پینل میں پاکستان کے سابق لیجنڈری کرکٹرز وسیم اکرم، وقار یونس اور شعیب اختر کے علاوہ آسٹریلیا کے بریٹ لی، بھارت کے نوجوت سنگھ سدھو اور رابن اتھاپا جبکہ ویسٹ انڈیز کے ایان بشپ شامل ہوں گے۔

ٹورنامنٹ کے تمام 34 مقابلوں کی براہِ راست بین الاقوامی نشریات مختلف ٹیلی ویژن نیٹ ورکس اور ڈیجیٹل پلیٹ فارمز پر کی جائیں گی؛ بھارت میں یونائٹ 8 اسپورٹس، زی فائیو، زی زیسٹ اور فین کوڈ جبکہ برطانیہ میں ٹی این ٹی اور ایچ بی او کے ذریعے میچز دیکھے جا سکیں گے۔ شائقین افتتاحی میچ سمیت تمام مقابلوں کے ٹکٹ آئی ایل ٹی 20 کی آفیشل ویب سائٹ اور پلاٹینم لسٹ سے حاصل کر سکتے ہیں۔